حلقات لحظة ايمان .. الحلقة الثانية

الحلقة انهرده مع الصديق
صاحب رسول الله وخليفته

وبرضه لحظات الايمان مااكثرها فى حياة ابو بكر
واختارنا انهرده لحظة من البداية التانية للاسلام
الهجرة الى المدينة

والهجرة اساسا كلها لحظات ايمان
من كل اللى اشتركو فيها

لكن فى لحظة صعبة اوىىىىىى

فى داخل الغار
والرسول صلى الله عليه وسلم نايم على رجل ابو بكر
وسيدنا ابو بكر عمال يقطع من هدومه عشان يسد الفتحات اللى بتخرج منها التعابين
وبعدين ماعدش معاه حاجة يسد بيها
فسدها برجله
التعابين تقرص رجله الكريمة
وابو بكر صابر
مش عايز يتالم ولايقول الاه عشان سيدنا النبى مش يصحى
لحد مايبكى والدموع تنزل من عنيه من الالم على خد سيدنا النبى
والرسول يصحى من الدمع اللى نزل على خده من عين صاحبه وحبيبه

***

ياالله
ايه الايمان دا
؟؟
الايمان اللى يخليك تصبر حتى على لدغ التعبان
!!!
اعتقد دى لحظة لازم نقف قدامها كتييييييييييييييييييييير اوى

ونشوف احنا مستعدين نتحمل لدغ تعبان عشان ايه ؟؟

مهزلة امبارح :(

الصورة دى اتنشرت امبارح وتحتها الكلمتين دول

"الراجل ده بياخد 50 جنيه اعانه من مجموعه طلعت مصطفى راح ببنته المريضه يدلى بصوته علشان ياخد 50 جنيه يجيب لها علاج بيهم الانتخابات كلها كوم وقصه الراجل ده كوم تانى""

!!!!!!!!!!!!!!!!!!!!!!!!

انتو ايه رأيكو ؟

انا عارفة طبعا اننا بيدج دينى
وناس كتيرة ضد ادخال الدين فى السياسة
او العكس
فاللى متبنى الراى دا ممكن جدا ميكملش قراية
بس احب اوضحله ان الدين اسلوب حياة
ومش منحصر بس فى الصلاة والصوم والزكاة

فى صلاة العيد اللى فات الشيخ كان بيقول تخيل يوم القيامة بعد ماتعرض اعمالك على الجبار وربنا خلاص هيامر بيك للجنة
يجى واحد ويتعلق فى رقبتك ويقول يارب خدلى حقى منه
ربنا يساله هو عملك ايه؟
يقوله يارب شافنى بتظلم ومحاش عنى الظلم !!!
خلو بالكو كلنا شافنا الراجل دا وهو بيتظلم
...وكلنا هنتسال عليه يوم القيامة
وهيتعلق فى رقبتنا كلنا .. هو وبنته

الصاحب ساحب

بيقولو فى الامثال الشعبية ""الصاحب ساحب""

يعنى صاحبك بيسحبك فى سكته

وسيدنا النبى بيقول

""الرجل على دين خليله فلينظر أحدكم من يخالل ""

(رواه الترمذي وقال حديث حسن )

 طيب لو صاحبك بيعمل حاجة انت شايف انها غلط .. يبقى المفروض تعمل ايه؟

برضه الرد من سيدنا النبى

عن أنس رضي الله عنه قال: قال رسول الله صلى الله عليه وسلم: انصر أخاك ظالماً أو مظلوماً، فقال: رجل يا رسول الله صلى الله عليه وسلم أنصره إذ كان مظلوماً، أفرأيت إذا كان ظالماً كيف أنصره؟! قال: تحجزه أو تمنعه من الظلم، فإن ذلك نصره.

يعنى نصرته انك ترده عن الظلم

فما بالك بقى لو بيظلم نفسه ؟

ليه الناس بتاخدها حب سيطرة وفرض راى؟

يعنى لو البنى ادم اللى قدامى مش بيهمنى

هوجع ليه دماغى واتعب اعصابى عشان خاطره؟

موضوع الصداقة دا كبير

واكيد ان شاء الله لينا كلام تانى

بس شوفو الحلقات دى

حلقة الصاحب من برنامج مدرسة الحب :)

رحلة السعادة .. حلقة الصحبة الصالحة الجزء الاول

رحلة السعادة .. حلقة الصحبة الصالحة الجزء الثانى :)

من كلماتى ""شيماء الزين "" - 1

اللهم ارزقنى يقين يجعلنى اؤمن من داخل قلبى انك ستحقق احلامى
وارزقنى رضا يجعلنى اؤمن بكامل عقلى ان ماستكتبه لى هو افضل من احلامى

 

حب الله تبارك وتعالى

السلام عليكم ورحمة الله وبركاته

انهرده عندنا درس حلو جدا بعنوان

""حب الله تبارك وتعالى :)""

درس من على اليوتيوب عشان الناس اللى مش بتحب تقرأ

بجد من احلى الدروس اللى سمعتها فى الفترة الاخيرة :)

اللهم ارزقنا حبك وحب من يحبك وحب كل عملا يقربنا الى حبك 

الحلقة الاولى من ""لحظة ايمان""

أول حلقة من حلقات لحظة ايمان مع امام المؤمنين سيد العالمين
أكيد كل لحظة من حياة سيدنا النبى هى لحظة ايمان
وكل موقف من مواقفه هو موقف ايمانى
***
بس انهرده انا اخترت لحظة فى بداية المشوار
مشوار الدعوة
بعد هجرة معظم المسلمين الاولى الى الحبشة
ظل الرسول صلى الله عليه وسلم فى مكة يدعو الى دين الله
فضاق به الكفار
ولكنه تحت حماية عمه ابو طالب
فارسل الكفار الى ابى طالب مهددين انهم قد ضاقوا ذرعا بافعال ابن اخيه

فان كان يريد بهذه الدعوة مالا يمنحوه المال وان اراد الملك جعلوه ملك عليهم وان كان مريضا يبحثوا له عن الدواء والطبيب

فعرض ابو طالب على الرسول ماقالوه
ونبهه الى انه -اى ابى طالب-
اصبح شيخا عجوزا
وان القوم ضجوا
وربما لايلتفتون الى حماية عمه له بعد ذلك

يعنى بالمصرى كدا
انهم استقوو
وخلاص مش هيهمهم حد
فبماذا رد الرسول

قال رسول الله صلى الله عليه زسلم قوله الشهير

(والله يا عمي لو وضعوا الشمس في يميني والقمر في يساري ما حدت عن هذا الأمر أو أقتل دونه)

يااااااااااااااااااااااااااااااااه .. الواحد محتاج ايمان قد ايه عشان يقول الكلمة دى
ومحتاج ايمان قد ايه عشان ينفذها فعلا !!!